Marneulidən göndərilən 280 testin cavabları məlum oldu

"Marneuli munitsipalitetindən Luqari laboratoriyasına dünən göndərilən 437 testdən 150-yə yaxın şəxsin analizi hələ də tədqiq olunur, təxminən 280 nümunənin cavablarının hamısı mənfidir".

InterPress.ge xəbər verir ki, bu haqda Marneulinin səhiyyə idarəsindən bildirilib.

Bununla yanaşı, Marneulinin “Geo Hospitals” klinikasından Luqari laboratoriyasına daha bir şəxsin bioloji nümunəsi göndərilib. Testin cavabı gün ərzində məlum olacaq.

Qeyd edək ki, Marneulidə ictimai məkanda işləyən şəxslər PCR testindən keçirilir.