Göbələkdən zəhərlənən bir nəfər dünyasını dəyişib

Kaxeti bölgəsində göbələkdən zəhərlənmə nəticəsində bir nəfər həyatını itirib.

InterPress.ge xəbər verir ki, zərərçəkən ağır intoksikasiya diaqnozu ilə Telavi Referal Xəstəxanasına yerləşdirilib, lakin həkimlərin səylərinə baxmayaraq, onun həyatını xilas etmək mümkün olmayıb.

Hadisə bir neçə gün əvvəl baş verib. Mərhumun həyat yoldaşının vəziyyəti də stabil, lakin ağır olaraq qiymətləndirilir və o, hazırda reanimasiya şöbəsində müalicə alır.

Mövcud məlumata əsasən, son on gün ərzində Telavi Referal Xəstəxanasına təxminən 20 nəfər göbələkdən zəhərlənmə əlamətləri ilə müraciət edib. Həkimlər əhalini diqqətli olmağa və yeyilməsinə əmin olunmayan göbələklərin istifadəsindən çəkinməyə çağırırlar.