Gürcüstanda güclü yağış gözlənilir

Oktyabrın 29-da Gürcüstan ərazisində yağışlı hava şəraiti müşahidə olunacaq, bəzi bölgələrdə isə yağışın intensiv olacağı gözlənilir.

InterPress.ge xəbər verir ki, bu barədə Ətraf Mühit üzrə Milli Agentliyi məlumat yayıb.

Agentliyin məlumatında qeyd olunur ki, Qərb istiqamətindən əsən güclü külək, ildırım və Qara dənizdə 4-5 ballıq fırtına proqnozlaşdırılır.

“Mövcud yağıntılar nəticəsində ölkənin çaylarında suyun səviyyəsinin əhəmiyyətli dərəcədə qalxması, kiçik çaylarda daşqınların baş verməsi, həmçinin dağlıq və təpəlik ərazilərdə torpaq sürüşməsi və sel hadisələrinin aktivləşməsi mümkündür. (Təhlükə səviyyəsi – orta),” – deyə Agentliyin məlumatında bildirilib.