Elektrik cərəyanı vurması nəticəsində 30 yaşlarında kişi ölüb

Zuqdididə, Tbilisi küçəsində elektrik cərəyanı vurması nəticəsində 30 yaşlarında bir kişi həyatını itirib.

InterPress.ge xəbər veri ki, mərhum xarici ölkə vətəndaşı olub.

İlkin məlumatlara əsasən, ölən şəxs elektrik naqilləri ilə bağlı işlər görərkən bədbəxt hadisə ilə üzləşib.

Hadisə yerinə təcili tibbi yardım briqadası və patrul polisinin ekipajları cəlb olunub.

Daxili İşlər Nazirliyindən “İnterPressNews”a bildirilib ki, faktla bağlı Cinayət Məcəlləsinin 240-cı maddəsi ilə istintaqa başlanılıb.